«Кыргызстан улуттук электр тармагы» ААКсы жыл аягына чейин аба чубалгыларда 68 миңден ашык жаңы обочолоткучтарды орнотууну пландаштырууда.
Алар зымдарды тирөөчтөргө бекитүү жерлеринде обочолоткуч аралыкты түзөт, алардын кемчиликтери технологиялык бузулууларга алып келиши мүмкүн. Ошондуктан, жыл ичинде чубалгыларга үзгүлтүксүз текшерүүлөр жүргүзүлүп, бузулган тетиктер өз убагында алмаштырылат.
Компаниянын электр тармактар ишканаларынын филиалдары боюнча обочолоткучтарды төмөнкү санда алмаштырылат:
Бишкек электр тармактар ишканасы – 3695 даана;
Баткен электр тармактар ишканасы – 7513 даана;
Жалал-Абад электр тармактар ишканасы – 13624 даана;
Ысык-Көл электр тармактар ишканасы – 6555 даана;
Нарын электр тармактар ишканасы – 9225 даана;
Ош электр тармактар ишканасы – 15100 даана;
Талас электр тармактар ишканасы – 2913 даана;
Чүй электр тармактар ишканасы – 10359 даана.
Электр берүү чубалгыларындагы обочолоткучтарды алмаштыруу иштер биринчи кезекте керектөөчүлөрдү электр энергиясы менен камсыздоонун сапатын жана ишенимдүүлүгүн жогорулатууга багытталган. Оңдоо иштерин өз убагында жүргүзүү жабдууларды иштөөгө жарамдуу абалда кармап турууга, күтүлбөгөн кырдаалдардын келип чыгуу ыктымалдыгын азайтууга жана күзгү-кышкы жүктөмдөрүн эң жогорку чегинен өтүү мезгилинде энергетикалык жабдуулардын ишенимдүү иштешин камсыздоого мүмкүндүк берет.
